Risk: Walking Dead

9.990 kr

Klassískt herkænskuspil í anda sjónvarpsþáttanna vinsælu!

Heimurinn eins og við þekkjum hann er liðinn undir lok og við blasir hræðilegur raunveruleiki. Uppvakningafaraldur geysar um allar jarðir. Mannfólki fækkar jafnt og þétt á meðan fjölgar í hópum blóðþyrstra óvætta. Vonarglætu er þó að finna í sjálfsbjargarviðleitni eftirlifenda sem grípa til allra tiltækra ráða til að halda sér og sínum á lífi.

Þú tekur að þér forystuhlutverk í hópi af eftirlifendum og berð ábyrgð á örlögum þeirra og mögulega framtíðarhorfum alls mannkyns! Til þess að lifa af í þessum grimma heimi þarftu að fjölga í hópnum þínum, safna nauðsynjum og vistum og auka áhrif. Þú þarft að horfast í augu við dauðann og hryllinginn og sækja inn á ný yfirráðasvæði með hugrekki í hjarta. Hætturnar leynast víða og ekki síst í hópum annara eftirlifenda þar sem barist er hart um þau fáu úrræði sem í boði eru.

Sá leikmaður sigrar sem hefur yfir flestum yfirráðasvæðum að ráða þegar uppvakningarnir ná óhjákvæmilegum yfirráðum.